Connect with us

मङ्गलबार राति १२ बजेदेखि दैलेखमा निषेधाज्ञा लागू

दैलेख, २० वैशाख : कोरोना सङ्क्रमणको दर तीव्र बन्दै गएपछि दैलेखमा मङ्गलबार राति १२ बजेदेखि एक हप्ताका लागि निषेधाज्ञा लागू गरिने भएको छ । छिमेकी मुलुक भारत र सीमावर्ती क्षेत्रबाट कामको खोजीमा भारत गएकाहरु फर्कने क्रम तीव्र बन्दै जानु तथा घरमा आएका व्यक्तिमार्फत परिवार, आफन्त हुँदै समुदायसम्म कोरोना सङ्क्रमण फैलिएको अवस्थालाई मध्यनजर गर्दै निषेधाज्ञा लागू गर्ने निर्णय गरिएको दैलेखका प्रमुख जिल्ला अधिकारी हरि प्याकुरेलले जानकारी दिनुभयो । मानिसको आवागमन नरोकिए झनै समस्या बढ्नसक्ने भन्दै बैठकमा छलफल भएपछि कोभिड–१९ सङ्कट व्यवस्थापन समिति दैलेखको आइतबार बेलुका बसेको बैठकले यस्तो निर्णय गरेको हो । “दुई दिनको अवधि जिल्ला भित्रिने र जिल्लाबाट बाहिर अनिवार्य जानुपर्ने व्यक्तिका लागि दिइएको हो । मङ्गलबारबाट कडाइका साथ निषेधाज्ञा लागू हुन्छ”, प्याकुरेलले भन्नुभयो । निषेधाज्ञा अवधिमा खाद्यवस्तुको सहज आपूर्ति हुने तथा एम्बुलेन्स र बिरामीको उचित व्यवस्थापन हुने बताइएको छ । कसैले कृत्रिम अभाव सिर्जना गरेर कालोबजारी गरेको खण्डमा कडा कारवाहीको व्यवस्था गर्ने निर्णय गरिएको छ । मध्यपहाडी राजमार्गलगायतका विकास निर्माणका काम भने सामाजिक दूरी कायम गरेर निर्विवाद ढङ्गले सञ्चालन गरिने भएको छ । हरेक पालिकामा भएका ठूला विकासे योजना पनि सहजै सञ्चालन गरिनेछन् ।

अक्सिजनका लागि अभियान थालिने
जिल्लामा अक्सिजनको समस्या बढ्दै गएको छ । जम्मा १० बिरामीका लागि मात्रै अक्सिजन मौज्दात भएको भन्दै अक्सिजन प्लान्ट जडान गर्ने कार्य तीव्र पार्न बैठकले निर्देशन दिएको छ । अक्सिजन अभाव हुन नदिन जिल्लाका व्यापारी, बैंक, वित्तीय संस्था, गैरसरकारी सङ्घसंस्थालाई अक्सिजनको व्यवस्थापनका लागि बैठकले आग्रह गरेको छ । दैलेखमा कोरोनाको सक्रिय सङ्क्रमितको सङ्ख्या बढ्दै गएको र अक्सिजन अभाव हुँदै गएकाले सम्बन्धित सबैलाई अक्सिजन व्यवस्थापनका लागि आग्रह गरिएको हो । अक्सिजन मात्र नभई स्वास्थ्यकर्मीको समस्या जिल्लामा देखिएको छ । थप स्वास्थ्यकर्मीको व्यवस्थापनका लागि कर्णाली स्वास्थ्य विज्ञान प्रतिष्ठानसँग स्वास्थ्यकर्मीको माग गर्ने निर्णय पनि बैठकले गरेको स्वास्थ्य सेवा कार्यालय दैलेखका प्रमुख थीरप्रसाद रेग्मीले जानकारी दिनुभयो ।

बिरामी नल्याउन भनेपछि जिल्लाबासी चिन्तित
दैलेखमा गम्भीर समस्या भएका कोरोना सङ्क्रमणका बिरामीलाई कर्णाली प्रदेश अस्पतालमा नल्याउनु भन्दै गरिएको दुव्र्यवहारप्रति पनि बैठकमा छलफल गरिएको स्वास्थ्य सेवा कार्यालय दैलेखका चिकित्सकले जानकारी दिएका छन् । ‘सुर्खेत प्रदेश राजधानी हो, प्रदेश सरकार त्यहाँ छ तर गम्भीर प्रकृतिका बिरामीलाई आफ्नै जिल्लामा व्यवस्थापन गर्नुहोस्, सुर्खेत नपठाउनुहोस्’ भन्दै प्रदेशले गम्भीर लापरवाही गरेको स्वास्थ्यकर्मीको गुनासो छ । दैलेखमा आइतबारसम्म १४७ नयाँ सङ्क्रमित देखिएका छन् । तीमध्ये १३३ सक्रिय सङ्क्रमित छन् । कोरोना जाँचलाई प्रभावकारी बनाउने हो भने सङ्क्रमितको सङ्ख्या धेरै हुनसक्ने अनुमान गरिएको छ । (रासस)

Click to comment

Leave a Reply

Your email address will not be published. Required fields are marked *

news2 weeks ago

शेरधन राइले चिनेकै छैन भन्दा बालिका ले ६ बर्ष देखी यौन शोशणको कुरा किन गरिन भन्दा यस्तो बबाल (भिडियो हेर्नुहोस)

Other1 week ago

श्रीमान र ५ बर्षे छोरालाई छोडेर हिडेकी सन्तोषी यस्तो अवस्थामा फेला परिन, बुझ्नै गाह्रो (भिडियो हेर्नुस्)

news2 weeks ago

यिनै हुन् दाङमा भारतीय कार भित्र मृत्यु भएका ३ जना बालक , आखिर कसरी आए ति बालक कार भित्र ? पहिलो पटक शव देख्ने ब्यक्तिले गरे यस्तो खुलाशा (भिडियो हेर्नुस)

Other3 weeks ago

यस्तो छोरो जन्माइस भन्दै तेजेन्द्रले कुटथ्यो भनेर सचिनको आमाले आरोप लाएपछी बाहिरियो अरुपनी कर्तुत (भिडियो सहित)

Other1 week ago

३ महिना देखि पार्किङ्ग गरेको कार भित्र कसरी भेटियो ३ बालकको शव ? बालकको आमाले रुँदै सुनाइन् (भिडियो हेर्नुस्)

Copyright © 2017 ostake.