Connect with us

सैनामैनामा भूमिहीनको लगत संकलन एकाइ कार्यालय स्थापना

बुटवल, १९ माघ : रुपन्देहीको सैनामैनामा भूमिसम्बन्धी समस्या समाधान आयोग लगत सङ्कलन एकाइ कार्यालय आजदेखि स्थापना भएको छ । भूमिहीन लक्ष्मी दमाइँको लगत फाराम गणकमार्फत नगरप्रमुख चित्रबहादुर कार्कीले बुझेर सैनामैना नगरपालिकामा भूमिहीन दलित र भूमिहीन सुकुम्वासीलाई जग्गा उपलब्ध गराउने तथा अव्यवस्थित बसोबासको व्यवस्थापन गर्ने कार्य शुरु भयो । सो अवसरमा नगरप्रमुख कार्कीले भूमिहीन दलित वा भूमिहीन सुकुम्वासी र अव्यवस्थित बसोबास भएकालाई जग्गा उपलब्ध गराउनेकार्य स्पष्ट कानूनसहित अघि बढेको जानकारी दिँदै लगत सङ्कलनमा लाग्न गणकलाई आग्रह गर्नुभयो । “जग्गाधनी पूर्जा उपलब्ध गराउने नियम र कानूनअनुसार यो कार्य अघि बढेको छ”, नगरप्रमुख कार्कीले भन्नुभयो । माघ महिनाभरि अव्यवस्थित बसोबासको लगत सङ्कलन गर्ने र भूमिहीन दलित वा भूमिहीन सुकुम्वासीलाई आवासका लागि एक कठ्ठा र कृषिलाई ६ कठ्ठासम्म जग्गा उपलब्ध गराउने कानूनी व्यवस्था भएबमोजिम प्रक्रिया पु¥याएर वितरण गरिने उहाँले बताउनुभयो ।

“भोगचलान गरेका भनी आफूसँग भएको प्रमाणसहित लगत सङ्कलन गरी पाँउ भनेर एउटा निवेदन दिनुहोस्”, नगरप्रमुख कार्कीले भन्नुभयो । “जग्गा नापजाँचको काम हुन कानूनी प्रक्रियापछि जग्गा उपलब्ध गराउन लेखापढी गर्न पठाउने छांै, त्यसपछि पूर्जा वितरण हुनेछ”, उहाँले जानकारी दिनुभयो । भूमिसम्बन्धी समस्या समाधान आयोगसँग सैनामैना नगरपालिकाले सम्झौता गरेलगत्तै सैनामैनामा सो काम शुरु भएको हो । सैनामैनामा नगरभित्रको १०७ टोल विकास संस्थाबाट गणक छनोट गरी उनीहरुलाई आवश्यक परामर्श तथा अभिमुखीकरण प्रदान गरिएको छ । नगरस्तरीय भूमिसम्बन्धी समस्या समाधान सहजीकरण समिति र वडास्तरीय भूमिसम्बन्धी समस्या समाधान सहजीकरण समिति गठन भइसकेको छ । भूमिसम्बन्धी समस्या एकाइ कार्यालयको संयोजकमा सैनामैनाका अधिकृत प्रमोद खनाललाई तोकेको छ भने अधिकृत सन्तकुमार चौधरी र केवशराज अर्याल नगरस्तरीय कार्यालयबाट खट्नुहुने छ ।

भूमिसम्बन्धी समस्या समाधान आयोगले यही माघ ९ गते प्रथम पटक सूचना प्रकाशित गरिसकेको छ । आयोगले तोकेको ढाँचा बमोजिम निवेदन फाराम भरी मिति २०७७ फागुन १३ गतेभित्र वडा कार्यालयमार्फत् घरदैलोमा खटिएका लगत सङ्कलन वा सम्बन्धित वडा कार्यालयमा फारममा उल्लेखित विवरणलाई पुष्ट्याईं गर्ने प्रमाण कागजात सिधँै पेश गरिसक्नुपर्ने बताइएको छ । (रासस)

Click to comment

Leave a Reply

Your email address will not be published. Required fields are marked *

Copyright © 2017 ostake.