Connect with us

२९६ घरमा खरका छाना विस्थापित गरी कर्कटपाता

टीकापुर, १८ माघ : कैलालीको टीकापुर नगरपालिकामा खरको छाना भएका घरमा नगरपालिकाले जस्तापाता लगाइदिने भएको छ । नगरपालिकाले खरको छाना विस्थापित गरी कर्कटपाता लगाउनका लागि यस वर्ष २९६ घर छनोट गरेको छ । वडाबाट आएका सिफारिसका आधारमा वडा नं १ मा ५१ घर, २ मा २१, ३ मा १२, ४ मा पाँच घरमा टिनको जस्तापाता लगाइने भएको छ । त्यस्तै वडा नं ५ मा ५४, ६ मा ३७, ७ मा ४५, ८ मा ४६ घर र ९ नं वडामा २४ घरमा जस्तापाता लगाइने भएको छ । नगरपालिकामा वडास्तरबाट खरको छाना विस्थापितका लागि ४०४ घर सिफारिस भएर आए पनि यस वर्ष २९६ घरलाई खरमुक्त गरिनेछ ।

“नगरभरि ४०४ घर खरको छाना भएका तथ्याङ्क पाएका छौँ, हामीले वडास्तरमा अनुगमन गर्न भनेका थियौँ”, नगरप्रमुख तपेन्द्रबहादुर रावलले भन्नुभयो, “तीमध्येबाट एकल महिला, अपाङ्गता भएका तथा अतिविपन्न आयआर्जन नभएका परिवारलाई यस वर्ष प्राथमिकता दिएका छौँ । बढी समस्यामा रहेका परिवारका घर यस वर्ष खरमुक्त हुनेछन् ।” उहाँले बाँकी घर आउँदो वर्ष खरमुक्त हुने बताउनुभयो । “नगरपालिकाको योजनाअनुसार जस्तापाता लगाउनका लागि आवश्यक खर्च नगरपालिकाले व्योहोर्ने तयारी हो, तर म अनुगमनमा जाँदा एकल महिला, अपाङ्गता भएकाको घरमा जस्तापाता लगाइदिने मानिस छैन”, उहाँले भन्नुभयो, “यसबारे नगरपालिकाले कसरी सहयोग गर्ने भन्नेबारेमा समेत छलफल गरिरहेका छौँ । लगाउने विकल्प नभएकालाई नगरपालिकाले लगाइदिने विषयमा कार्यपालिकामा छलफल गर्छौँ ।”

एक घरको छानामा जस्तापाता लगाउन नगरपालिकाले रु ४८ हजारसम्म अनुदान दिनेछ । नगरपालिकाले जस्तापाता लगाउनका लागि शुरुमा ७० प्रतिशत रकम दिइने र टिन लगाइसकेपछि ३० प्रतिशत भुक्तानी दिने मापदण्ड तयार गरेको छ । सङ्घीय सरकारको सहयोगमा नगरपालिकाले खरको छाना भएकाहरुका घरमा टिनको छाना लगाउने कार्यक्रम अघि सारेको हो । नगरपालिकाले गत वर्ष पनि जनता आवास कार्यक्रमअन्र्तगत १५ घर निर्माण गरिदिएको थियो । नगरपालिकाले घरमा टिनको जस्तापाता लगाइदिने भएपछि वडा नं ७ की ज्येष्ठ नागरिक माता विक निकै खुशी हुनुभएको छ । शनिबार अनुगमनमा माताको घर पुगेका नगरप्रमुख रावललाई उहाँले धन्यवाद दिनुभयो । “नगरप्रमुख र वडाध्यक्ष आएर मेरो घर हेरेर गए, मेरो घर अब भत्कन मात्र बाँकी छ । यस वर्ष वर्षात्मा कहाँ जाउला भन्ने चिन्ता थियो”, ७५ वर्ष उमेर नाघेकी एकल महिला माताले भन्नुभयो, “अब नगरपालिकाले टिन लगाइदिने भएपछि म पनि घामपानीबाट बच्ने भएँ । अब ढुक्कले घरभित्र सुत्न पाइएला भन्ने लागेको छ ।”

घरको छाना बन्ने भएपछि टीकापुरकै कौशीदेवी बुढा पनि खुशी हुनुहुन्छ । पाँच वर्षदेखि खर नपाएर मर्मत नभएको उहाँको घरले पनि अब कर्कटपाताको छाना पाउने भएको छ । “खर किन्ने पैसा नभएर पाँच वर्षदेखि पानी आउँदा चुहिने घरमा बस्न वाध्य थिएँ”, उहाँले भन्नुभयो, “अब घर मर्मत हुने भयो, किन खुशी नलागोस् ।” (रासस)

Click to comment

Leave a Reply

Your email address will not be published. Required fields are marked *

Other2 weeks ago

भागरथीलाई यौनसम्पर्क गर्न पाइन्ट खोल्दा ब्लड देखे अनि गरिन दिनेशको भनाइ,अझ रहस्य मय बन्दै (भिडियो सहित)

Other2 weeks ago

खुल्यो भागरथीको ह-त्या कस्ले गरेको,दिनेशले पहिला बला-त्कार गरी ह-त्या गरेको कबुक गरे,को हुन त दिनेश ? (भिडियो सहित)

Other4 weeks ago

प्युठानमा अविवाहित युवतीले अनैतिक सम्बन्ध बाट बच्चा जन्माएर फालिन कुकुरले लुछि लुछि खायो (भिडियो सहित)

news2 weeks ago

पक्राउ परेका १६ बर्षीय दिनेशको यस्तो बयान: भागीरथीले आफु बाँच्नलाई निकै कोसिस गरि तर मैले सिध्याईदिए (भिडियो हेर्नुहोस)

Other2 days ago

भर्खरै विहे गरेको श्रीमानको दुर्घटनामा निधन हुँदा श्रीमतीले शवलाई अंगालो हालेर रोएको देखेर को नरोला ?(भिडियो सहित)

Copyright © 2017 ostake.