Connect with us

चिनियाँ राष्ट्रपतिको भ्रमणले दुई देशबीचको सम्बन्ध अझै बलियो हुने बिजुक्छेको भनाई

भक्तपुर, २४ असोज : नेपाल मजदूर किसान पार्टीका अध्यक्ष नारायणमान बिजुक्छेले दुई दशकपछि हुन लागेको चिनियाँ राष्ट्रपति सी चिनफिङको नेपाल भ्रमणले दुई देशबीचको सम्बन्ध अझै बलियो हुने बताउनुभएको छ । भक्तपुरमा सञ्चालन भइरहेको ३९ औँ नेपालभाषा साहित्य तःमुँज्या अर्थात् बृहत् साहित्य सम्मेलनका क्रममा चिनियाँ राष्ट्रपतिको भ्रमणबारे उहाँले नेपाल र चीनबीचको प्राचीनकालदेखिको सम्बन्धलाई यो भ्रमणले अझै बलियो बनाउने बताउनुभएको हो । सरकारले देश र जनताको लागि फाइदा हुने विषयमा मात्रै सम्झौता गर्नुपर्ने बताउँदै बिजुक्छेले चीनसँग अब हुने सम्झौताले नेपालको दिगो विकास र दक्ष जनशक्ति उत्पादनमा टेवा पुग्नुपर्ने भनाइ राख्नुभयो । देशलाई नोक्सान हुने र वर्षौंसम्म कार्यान्वयन गर्न नसक्ने सम्झौताको कुनै अर्थ नहुने भनाइ राख्दै बिजुक्छेले भएका सम्झौताहरु छिटो कार्यान्वयनमा लैजान सक्ने हुनुपर्ने बताउनुभयो ।

केरुङ–काठमाडौँ रेल्वेसम्बन्धी सम्झौताका बारेमा उहाँले सडकमा बस्ती विस्तार नगरे यसबाट देशलाई फाइदा नपुग्ने बताउनुभयो । बिजुक्छेले केरुङ र काठमाडौँलाई मात्रै हेरेर नहुने तर केरुङदेखि काठमाडौँसम्म आउने सडकमा बस्ती विस्तार गर्न सके मात्रै यस्तो सम्झौताले सार्थकता पाउने भनाइ राख्नुभयो । विदेशीले बनाइदिएका र ल्याइदिएका धेरै कुराहरु चलाउन नसक्दा थन्किएर बिग्रिएको टिप्पणी गर्दै उहाँले विदेशी सहयोग ट्रलिबस, छाला जुत्ता कारखाना, कागज कारखानाजस्तो अवस्थामा पुग्न नहुने बताउनुभयो । विकास निर्माणमा हुने सम्झौतामा चीन आफैँले बनाइदिने भन्दा पनि नेपालको जनशक्ति प्रयोग गर्नेगरी गर्न सके नेपाली नागरिकले स्वदेशमै रोजगारी पाउने र सीप पनि सिक्न सक्नेतर्फ ध्यान दिनुपर्ने बताउनुभयो ।

चीनले चाहेमा नेपालको धेरै विकास एकैपटक गर्न सक्ने भए पनि चीनको एकएक गाँस गरी एक थाल भात खाएजस्तै गरी विकासलाई विस्तारै लैजाने नीति रहेको बिजुक्छेले बताउनुभयो । चिनियाँ राष्ट्रपति सी चिनफिङको नेपाल भ्रमणमा आर्थिक सहायता दिनसक्ने बताउँदै बिजुक्छेले यो भ्रमणले भारतप्रतिको दृष्टिकोण भने बदल्न नसक्ने बताउनुभयो । चिनियाँ राष्ट्रपति सी चिनफिङले आफ्नो देशमा भ्रष्टाचार नियन्त्रण गर्न कदम चालेको र भ्रष्टाचारीलाई धमाधम जेल हालेको भन्दै सरकारले चिनियाँ राष्ट्रपतिबाट यस्ता कुरा सिक्नुपर्नेमा जोड दिनुभयो । चिनियाँ राष्ट्रपतिको नेपाल भ्रमणलाई नेमकिपाले पनि स्वागत गरेको बताउनुभयो । (रासस)

Click to comment

Leave a Reply

Your email address will not be published. Required fields are marked *

Other3 weeks ago

आफु भन्दा सानो उमेरको प्रेमि सँग मिलेर श्रिमतिले श्रिमानको ज्यान नै लिईन,राती प्रेमीलाई घरमा बोलाएर (भिडियो हेर्नुहोस)

Other2 weeks ago

प्रेमिकाले मेरो पेटमा तिम्रो बच्चा छ मेरो अन्तै बिवाह गरिदिन लागे भनेपछी प्रेमिका लिन गएका नवराज कहिले नफर्कनेगरी गए (भिडियो हेर्नुहोस)

Other4 weeks ago

नायिका सुहाना थापा आजबाट २३बर्ष लागिन,मम्मी झरना थापाले भनिन गुडिया रानी(भिडियो हेर्नुहोस)

Other1 week ago

नवराजको प्रेमिका भनिएकी सुष्मा मल्ल पहिलो पटक बोलीन्,सोच्दै नसोचेको यस्तो रहस्य बहिरियो (भिडियो हेर्नुहोस)

Other4 weeks ago

राजेश हमालाई यो उमेरमा बाबु बन्ने रहर आएपछी मधुसँग समय बिताउदै राम्रो खाना खादै ब्यायाम गर्दै(भिडियो हेर्नुस)

Copyright © 2017 ostake.