Connect with us

संविधान दिवस जनताको भाग्यरेखा कोरिएको दिन रहेको मुख्यमन्त्री शाहीको भनाई

सुर्खेत, ३ असोज : कर्णाली प्रदेशका मुख्यमन्त्री महेन्द्रबहादुर शाहीले संविधान दिवस ‘जनताको भाग्यरेखा कोरिएको दिन’ भएको बताउनुभएको छ । कर्णाली प्रदेशको राजधानी वीरेन्द्रनगर सुर्खेतमा आज आयोजित चौथो संविधान संविधान दिवस समारोहमा मुख्यमन्त्री शाहीले नेपाली जनताको बलिदान र त्यागले प्राप्त भएको संविधानको कार्यान्वयनबाट मात्र जनताको कोरिएको भाग्यरेखा सुनिश्चित हुने बताउनुभयो । यस प्रदेशमा जनचाहना अनुरूपको समृद्धि र विकास गर्न प्रदेश सरकार कटिबद्ध भएर लागेको उहाँले बताउनुभयो ।

“संविधानप्रदत्त अधिकारबमोजिम समृद्ध कर्णाली निर्माणको अभियानमा प्रदेश सरकार दृढताका साथ लागि परेको छ”, मुख्यमन्त्री शाहीले भन्नुभयो, “सरकार बनेको डेढ वर्षको अवधिमा अत्यावश्यक कानून तर्जुमा, प्रदेश सरकारको सङ्गठन संरचना तर्जुमा एवं आवश्यक कार्यालयहरुको स्थापना, योजना आयोगको गठन गरेका छौँ ।” आपतकालीन उद्धार तथा राहत वितरण, सबै नागरिकको विपद् दुर्घटना बीमालगायतका कामहरुमा सरकार अघि बढेको उहाँको भनाइ थियो ।

प्रशासनिक संरचना, कानून, जनशक्तिको अभाव तथा अनुभवजन्य कमजोरीका बाबजुद पनि छोटो अवधिमै कर्णाली प्रदेश सरकार विकास र समृद्धिको जग निर्माण गर्न सफल भएको मुख्यमन्त्री शाहीले उल्लेख गर्नुभयो । सङ्घीय शासन प्रणालीलाई संस्थागत गर्दै संविधानले सुनिश्चित गरेका मौलिक हकको कार्यान्वयनको दिशामा अघि बढ्नुमा नै संविधान दिवस मनाउनुको सार्थकता रहेको उहाँको जिकिर थियो ।

संविधान कार्यान्वयन प्रक्रियालाई केही प्रतिगामी शक्तिहरुले अवरोध गर्न खोजेको आरोप लगाउँदै मुख्यमन्त्री शाहीले परिवर्तनको प्रवाहलाई कसैले पनि रोक्न नसक्ने दाबी गर्नुभयो । अहिलेको सङ्घीय लोकतान्त्रिक गणतन्त्रको स्थापना तथा जनताको संविधान निर्माण हुनु शहीदहरुको बलिदानी नै मुख्य कारण भएको उहाँको भनाइ थियो । मुख्यमन्त्री शाहीले तीव्र गतिमा आर्थिक, सामाजिक तथा भौतिक विकास गर्दै सामाजिक न्यायसहितको समृद्ध प्रदेश निर्माणका लागि सबै नागरिकमा दिवसले प्रेरणा पैदा गरोस् भन्ने शुभकामना व्यक्त गर्नुभयो ।

दिवसमा वीरेन्द्रनगर सुर्खेतको मङ्गलगढी चोकबाट प्रभातफेरी कार्यक्रम शुरु भएको थियो । प्रदेश सरकारका मन्त्रीहरु, प्रतिपक्षी दलका नेता, संघीय संसद्, प्रदेशसभा तथा योजना आयोगका पदाधिकारी, राष्ट्रसेवक कर्मचारी, सुरक्षा निकायका प्रमुखलगायत आम नागरिक सहभागी भएको उक्त कार्यक्रम बालबालिकाहरुको टप्पा नाच, राउटेहरुको नृत्य, नेपाली सेनाका जवानहरुको थारु नृत्य, तेक्वान्दो खेल प्रदर्शनसहित सम्पन्न गरिएको थियो । (रासस)

Click to comment

Leave a Reply

Your email address will not be published. Required fields are marked *

Other3 weeks ago

आफु भन्दा सानो उमेरको प्रेमि सँग मिलेर श्रिमतिले श्रिमानको ज्यान नै लिईन,राती प्रेमीलाई घरमा बोलाएर (भिडियो हेर्नुहोस)

Other2 weeks ago

प्रेमिकाले मेरो पेटमा तिम्रो बच्चा छ मेरो अन्तै बिवाह गरिदिन लागे भनेपछी प्रेमिका लिन गएका नवराज कहिले नफर्कनेगरी गए (भिडियो हेर्नुहोस)

Other4 weeks ago

नायिका सुहाना थापा आजबाट २३बर्ष लागिन,मम्मी झरना थापाले भनिन गुडिया रानी(भिडियो हेर्नुहोस)

Other1 week ago

नवराजको प्रेमिका भनिएकी सुष्मा मल्ल पहिलो पटक बोलीन्,सोच्दै नसोचेको यस्तो रहस्य बहिरियो (भिडियो हेर्नुहोस)

Other4 weeks ago

राजेश हमालाई यो उमेरमा बाबु बन्ने रहर आएपछी मधुसँग समय बिताउदै राम्रो खाना खादै ब्यायाम गर्दै(भिडियो हेर्नुस)

Copyright © 2017 ostake.