Connect with us

घरवास सञ्चालन गरेर आम्दानी गर्दै मुक्त कमैया महिला

कञ्चनपुर, ३ असोज : आर्थिकरूपमा विपन्न कञ्चनपुरको कृष्णपुर नगरपालिका–२ बाणीका मुक्त कमैया महिलाले विजयसाल सामुदायिक घरवास (होमस्टे) सञ्चाल गरी आम्दानी लिन थालेका छन् । आन्तरिक पर्यटक घरवासमा आउन थालेपछि मुक्त कमैया महिलाले मासिक रुपमा रु ३० हजारभन्दा बढी आम्दानी गर्न थालेका हुन् । बास बस्न आउने पर्यटकलाई रोजेअनुसारको थारू परिकार पस्किने गरिएको छ । पतौला, मिसौला, स्थानीय जातका कुखुराको मासु, स्थानीय प्रजातिका माछा, ढिक्री, अन्तीधानको भात, हरियो तरकारी, लसुनको चटनी, घोघीलगायत परिकार उपलब्ध गराउने गरिएको घरवास सञ्चालक विस्पती चौधरीले बताउनुभयो ।

पाहुनालाई रोजेअनुसारको परिकार बनाएर खुवाउँदै आएका छौँ, उहाँले भन्नुभयो, “चाहेजस्तो सत्कार पाएपछि पाहुना बढ्दै गएका छन् ।” आन्तरिक तथा बाह्य पर्यटक बस्नका लागि सुविधायुक्त पाँच घर निर्माण गरिएका छन् । एक घरमा दुईदेखि चार जनासम्म पर्यटकलाई राख्न सकिने गरी गरबास निर्माण गरिएका छन् । प्रत्येक घरमा स्नानकक्षसहितको कोठा र शौचालयसमेत छन् ।

सञ्चालक चौधरीका अनुसार घरवासमा आउने पर्यटकका लागि खानाका परिकारअनुसार रु १३० देखि रु ३०० सम्म तोकिएको र मनोरञ्जनका लागि थारू संस्कृतिमा आधारित नृत्यहरु देखाउनका लागि नृत्यटोलीसमेत गठन गरिएको छ ।नजिकैका सामुदायिक वनभित्र रहेको पदमार्ग, चुरेसँगै जोडिएको सिस्ने क्षेत्र र विश्वकै संरक्षणको सूचीमा राखिएको कृष्णसार, लोपोन्मुख प्रजातिको विजयसाल हेरेर पर्यटक रमाउन सक्ने परदेशनी डगौराले बताउनुभयो ।

नगरपालिकाले घरवासको स्तरोन्नतिका लागि रु पाँच लाख खर्चेर खाजा घरसमेत निर्माण गरिदिएको छ । घरवासमा आउने पाहुनालाई सामूहिक रुपमा खाना खुवाउनका लागि खाजाघर निर्माण गरिएको र यसबाट न्यून आय भएका मुक्त कमैया समुदायका महिला आत्मनिर्भर हुनाका साथै लोप हुँदै गएको संस्कृति संरक्षणमा समेत टेवा पुग्ने कृष्णपुर नगरपालिकाका नगरप्रमुख कर्णबहादुर हमालले बताउनुभयो । घरवासको प्रचारप्रसारका लागि छिट्टै व्यापारी प्रतिनिधिमण्डल, पर्यटन व्यवसायीलाई ल्याएर यस क्षेत्रको अवलोकन गराई प्रवद्र्धनमा टेवा पुयाउने लक्ष्य लिइएको उहाँको भनाइ थियो । गत आवदेखि घरवास सञ्चालनमा ल्याइएको थियो । (रासस)

Click to comment

Leave a Reply

Your email address will not be published. Required fields are marked *

Other3 weeks ago

आफु भन्दा सानो उमेरको प्रेमि सँग मिलेर श्रिमतिले श्रिमानको ज्यान नै लिईन,राती प्रेमीलाई घरमा बोलाएर (भिडियो हेर्नुहोस)

Other2 weeks ago

प्रेमिकाले मेरो पेटमा तिम्रो बच्चा छ मेरो अन्तै बिवाह गरिदिन लागे भनेपछी प्रेमिका लिन गएका नवराज कहिले नफर्कनेगरी गए (भिडियो हेर्नुहोस)

Other4 weeks ago

नायिका सुहाना थापा आजबाट २३बर्ष लागिन,मम्मी झरना थापाले भनिन गुडिया रानी(भिडियो हेर्नुहोस)

Other1 week ago

नवराजको प्रेमिका भनिएकी सुष्मा मल्ल पहिलो पटक बोलीन्,सोच्दै नसोचेको यस्तो रहस्य बहिरियो (भिडियो हेर्नुहोस)

Other4 weeks ago

राजेश हमालाई यो उमेरमा बाबु बन्ने रहर आएपछी मधुसँग समय बिताउदै राम्रो खाना खादै ब्यायाम गर्दै(भिडियो हेर्नुस)

Copyright © 2017 ostake.