Connect with us

संविधानले धर्म, संस्कृतिको अपनत्व ग्रहण गरेको छ : मुख्यमन्त्री

वाग्मती, ३१ वैशाख : वाग्मती प्रदेशका मुख्यमन्त्री डोरमणि पौडेलले नेपालको संविधानले सबै वर्ग, भाषा, धर्म एवं संस्कृतिको अपनत्व ग्रहण गरेको बताउनुभएको छ । इस्लाम धर्मावलम्बीको महान पर्व इद–उल–फितरको अवसरमा आज दिनु भएको शुभकामना सन्देशमा मुख्यमन्त्री पौडेलले स्वदेश तथा विदेशमा रहनुभएका सम्पूर्ण इस्लाम धर्मावलम्बी दाजुभाइ तथा दिदीबहिनीमा सुस्वास्थ्य, सुख, शान्ति एवम् समृद्धिको हार्दिक शुभकामना व्यक्त गर्नुभएको छ ।

सन्देशमा भनिएको छ, ‘नेपाल एक बहुभाषिक, बहुसांस्कृतिक एवम् बहुधार्मिक विविधतायुक्त देश हो । विविधताभित्र एकता नै नेपाली मौलिक पहिचान हो । नेपालको संविधानले सबै वर्ग, भाषा, धर्म एवम् संस्कृतिको अपनत्व ग्रहण गरेको छ । नेपालीहरु परस्परमा मिलेर चाडपर्व उत्साहका साथ मनाउने प्रचलन रहिआएको छ । यतिबेला हामी कोरोना महामारीविरुद्धको लडाइँमा छौँ । कोरोना महामारीको कारण विगतमा जस्तो गरी चाडपर्व मनाउन सकिने अवस्था छैन । तसर्थ स्वास्थ्य सुरक्षाका मापदण्डहरुको परिपालना सहित घरमै बसेर पर्व मनाउन अनुरोध गर्दछु ।’ उहाँले इस्लाम धर्मावलम्बीहरुको महान पर्व इद–उल–फितरले कोरोना विरुद्धको लडाइँमा विजय प्राप्त गर्न हामी सबैलाई थप आत्मविश्वास र उत्प्रेरणा दिने विश्वास व्यक्त गर्नुभएको छ ।(रासस)

Click to comment

Leave a Reply

Your email address will not be published. Required fields are marked *

Copyright © 2017 ostake.